Pashentnan di tanto Aruba como Hulanda ta bay na Stemwell Colombia pa tratamento

Dia 3 di Juni ta bay tin un presentacion hopi interesante den MFA Paradera di parti di Stemwell Colombia.
Dokternan Carlos Guerrero y dr. Stephen Howell, ta bay tey pa asina duna varios informacion valioso pa loke ta trata articulacion, nan tratamentonan y con pa drenta den contacto cu e clinica, pa asina por ricibi tratamentonan medico.
Stemwell Colombia ta keda na Bogota y loke nan ta haci, ta traha cu pashentnan cu tin problema cu nan articulacionnan, manera artritis, artrosis, cua ta duna nan hopi dolor cu nan no por cana.
Segun dr. Carlos Guerrero durante varios aña ta duna tratamento cu resultadonan espectacular trahando cu stemcell di pashentnan. Tambe nan ta haci terapia pa asina mehora absolutamente e sistema imunologico como sistema di respuesta pa dolor.
Ta duna nan tambe tratamento di onda di zonido. Nan tin varios terapia di diferente tipo pa logra mehora e sistema inflamatorio di e pashent.
Ya nan tin hopi pashent di Aruba cu a bin cerca nan, for di 2017 cu resultadonan satisfactorio. Nan tin pashentnan no solamente di Aruba, pero tambe di Hulanda y Merca. E pashentnan cu a bishita nan na Colombia a bin bek e isla cu un miho calidad di bida, despues cu nan a sigui e tratamento.
E logistica pa bay cerca nan ta facil. Ta coordina cu e pashent. Loke ta haci ta facilita e forma con nan ta bay Colombia. E clinica ta take care di e pashent una bes cu nan yega. E pashent ta keda na un Hotel cu ta keda un caya leu di e clinica. Nan no ta keda hospitalisa.
Pa mehora esaki nan tin dokternan di Aruba, entre otro dr. Stephen Howell, cu ta un medico general ubica na Colombia, cu tin por su puesto tur e conocimento ya cu ta wordo transmiti riba e procedimento.
Tur esaki y mucho mas, comunidad di Aruba por wordo informa durante di e charla cu lo bay tuma luga den MFA Paradera, dia 3 di Juni, caminda cu tanto dr. Carlos Guerrero, como dr. Stephen Howell lo bay presenta. Entrada na e charla aki ta gratis.