Durante Tour: Quadracer a perde control y bay dal contra un cura di cas

San Fuego – Diadomingo atardi polis a bay San Fuego unda un Quadracer lo a dal contra un cura di cas.

Tawata trata di un di e Island Tournan di turista pasando den bario di San Fuego. Dado momento habitantenan a scucha un zonido fuerte.

A resulta cu un di Quadracernan pa un of otro motibo a bay dal contra un cura di cas, kibrando esaki.
Segun habitantenan te bloki a spart.

Basta dia a pasa sin cu nos a scucha di e accidentenan di sea UTV’S of Quadracers.
Loke tawata mas importante cu niun persona a keda herida den e accidente aki.

Polis a tuma datos y seguro lo cubri tur cos segun nos por a compronde.