133
Lagoweg – Diadomingo den oranan di merdia polis y brandweer a sali pa un cas na candela situa ariba Lagoweg. Informacion adicional a bisa tambe cu lo tin hende den e cas.
Na yegada di polis y brandweer ya e habitante cu ta un señora tawata pafo.
Bisiñanan cu lo a nota cu tin huma y candela mesora a sali pa yuda e señora.
Mientrastanto ambulance tawata na caminda, pa motibo cu dos hende e inhala basta huma.
Brandweer a logra domina e candela, cu a lo a cuminsa posiblemente door di un bela cu tawata cendi ariba un cashi den camber.
E señora no por a keda den e cas debi na daño di huma y awa.
