Siman pasa tabata un otro dia grandi pa San Nicolas, despues di basta tempo cera, oficina di turismo na San Nicolas a bolbe habri su portanan y cu un concepto diferente. Alan Howell, parlamentario di POR ta expresa cu e ta hopi contento cu e reapertura aki, passobra “All I desire and will continue fighting for is, a better Aruba and to make San Nicolas great again”.
Como miembro di Parlamento, Howell durante reunionnan publico constantemente a persisti y puntra ki dia San Nicolas lo haya su oficina di turismo bek. Minister Dangui Oduber, encarga cu turismo,a sigure tur biaha cu e no lo laga San Nicolas na caya y cu lo habri e oficina bek pronto despues cu den gobernacion anterior e la keda bandona.
Di e forma aki siman pasa Minister Dangui Oduber a cumpli cu pueblo di pariba.
Alan Howell ta bisa cu awo ta trabou di companianan di tour, guianan turistico, ATA, Gobierno, Parlamento, doñonan di negoshi y tur otro cu ta sinti nan mes yama pa e tarea di sigui atrae turistanan den centro di San Nicolas. “Together We Can Make It Better”, el a finalisa.