Arashi: Den weekend algun persona a pinta riba e barancanan cerca di beach na Arashi, poniendo nan incialnan cu spuitbus, haciendo asina daño na e barancanan cu a wordo poni pa protega e beach na Arashi.
Mane ta custumber di tur aña durante fin di e temporada di Cuaresma hopi hende ta bay campa canto di lama y mayoria tur aña ta bay campa na e mesun sitio y nan ta cuminsa prepara nan tereno pa pone nan campamento.
Na Arashi por a tuma nota cu riba algun baranca cu a wordo poni pa protega e beach, un of algun persona a usa spuitbus pa aparentemente marca nan tereno.
Polis a tuma nota di esaki, tur e barancanan tabata marca cu casi mesun inicial y e mesun spuitbus. Na e momento ey polis no por a haci nada mas, pero a keda di bolbe durante campamento pa asina atende cu e personanan aki cu a marca e tereno na un forma cu no ta wordo permiti.
Tambe tin un fecha y ora cual esnan cu ta bay campa ta wordo permiti arma nan tentnan riba e tereno pa campamento y esey tur hende mester tene cuenta cu ne. Personanan cu ta campa tur aña fielmente ta na altura cu nan mester un permiso pa campa.