65
Tanki Leendert – Diadomingo mainta no habri bon pa un chauffeur ariba e caminda di Tanki Leendert.
Na e crusada pabou di e misa na Tanki Leendert ta sosode un accidente, momento cu un chauffeur a bay pa lora na su man robes.
Chauffeur di e Toyota Yaris no tawata sa cu Vcar color blanco tawata biniendo duro for di pariba. Door di e velocidad halto chauffeur di e Vcar no por a evita un impacto y ta dal e Yaris duro patras causando cu ela bay dal un palo di luz.
Door di e impacto e palo di luz a wordo ranca completamente.
Polis a pidi presencia di un ambulance, door cu e chauffeur di e Yaris a resulta herida.
Elmar tambe a wordo poni na altura.
Paramediconan a dicidi pa hiba e chauffeur herida Hospital pa mas observacion.