Noord/Solito – Diadomingo den careda di 5’or di marduga, patruya di Noord ta bay dilanti Misa Santa Anna na Noord, pa un problema di pareha.
Na yegada nan ta topa cu un pareha, parse e homber lo a maltrata e dama. Durante cu esaki tawata pasando altura di e Bus Halte a pasa un auto y esaki mesora a para, for di e auto a baha un of dos homber y a mirando kiko tawata pasando nan a baha, pa fix e abusado algun mokete, pa e bin bij.
Ora polis a yega e homber tawata basta altera y no kier a coopera cu autoridad. E muhe a splica polis cu e homber a maltrate.
Polis a puntra homber pa su i.d. esaki a pone e homber bira rabia cu e agentenan tambe y pa evita mas problema nan a detene mesora.
Despues cu polis a splica e dama kiko pa haci y su camindanan pa cana e dama a move di e sitio.
Transportwagen a yega y a hiba e homber warda di Shaba, unda ela wordo presenta dilanti Sub Fiscal.
Eynan despues di a tuma su datosnan y ela “priminti” di bay su cas y evita problema, nan a lage bay. Despues di 1 ora cu polis a laga e homber bay, cu ta algo pasa di 6’or di diadomingo mainta, polisnan di Playa a bay na un adres na Solito pa un caso di maltrato.
Na yegada polis ta bin topa cu e mesun homber aki, elo a bolbe maltrata su pareha. E mesun dama cu ela maltrata un ora prome dilanti Misa na Noord.
Pa e homber aki e cos no a caba, ela bay na adres di e dama y a bolbe dal e dama.
E dama a bisa polis cu e no kier wak e homber aki mas y polisnan a bay over un biaha mas na deten’e.
E biaha aki si ela wordo deteni y cera pa maltrato.
Awor ta den man di e dama, ora e homber sali si e ta bolbe cune, asina dunando e homber un chance atrobe of ta pone un punto tras di maltrato y no ta bolbe bek cu un abusado di hende muhe.