Parlamentarionan Endy Croes, Edgard Vrolijk, Shailiny Tromp Lee y Setty Yarzagaray a bishita Cacique Aterima School na Macuarima

Parlamentarionan di Fraccion di MEP a keda bishita nos scolnan hasta despues di e celebracion grandi y bunita di nos Himno y Bandera. Diabierna ultimo den oranan di mainta Parlamentarionan Endy Croes, Edgard Vrolijk, Shailiny Tromp Lee y Setty Yarzagaray a haci un bishita na kleuterschool Aterima na Macuarima. E scol tabata tin un dia di celebracion cultural unda nos chikitinnan entre 4 y 6 aña a canta nos Himno y a hisa nos Bandera. Tambe tabata tin un caha di orgel unda a siña nos muchanan kico ta un caha di orgel y nan mes a ricibi oportunidad di draai y toca e caha un poco. Tabata tin tambe un seccion cual a siña nos muchanan traha pan bati unda nan por a come tambe di biaha. Den Gymzaal un otro grupo tabata bezig y asina por bisa 4 klas cu cada un 27 mucha y juffrouw y meneernan trahando cu hopi amor pa cu nos muchanan cu ta futuro di mañan. Hoofd di School Juffrouw Maritza Carrion a duna e Parlamentarionan un tour den e school cu un trato hopi amical. Asia Libier un hoben cu a competa den festival Himno y Bandera cu ta alumno di Macuarima School tambe a interpreta su cancion masha bunita. Finalmente Juffrouw Maritza a entrega e Parlamentarionan un documento cu nan deseonan pa cu e scol cual sigur uno hopi importante ta un “BEL” nobo electronico pa e scol. Parlamentarionan Endy Croes, Edgard Vrolijk, Shailiny Tromp Lee y Setty Yarzagaray a haci un promesa cu lo cuminsa na percura pa e scol por haña un BEL den corto tempo. Masha danki na tur e juffrouw y meneernan cu a trata nos super bon. E muchanan a touch nos curason y ta duna nos mas motivacion pa traha mas duro pa nan. Danki Aterima School pa e bunita gesto.