Sasaki – Dialuna marduga pa mas o menos 2:50 a.m polis a haya informacion cu un auto a drenta Bubali Plas.
Mesora un patruya a bay e sitio pa mira di por tin hende herida.
Na yegada nan a topa cu un Toyota Prius color preto parcialmente hinca den e awa.
Na e sitio polis a topa cu e chauffeur, ela conta polis cu durante cu e tawata bayendo direccion zuid un auto color blanco a dal e parti patras.
Esaki a pone e Toyota Prius perde control y kita bay na su man drechi.
E chauffeur danki Dios tawata ok y cu e por a conta polis kiko a sosode. Despues cu e auto a dal contra dje esaki a sigui bay zuid, dus no a para pa asumi su responsabilidad. Mucho menos pa mira si e persona ta herida.
Manera nos por mira Aruba a cambia, ta varios caso tin di Hit and Run y esnan cu ta comete e actonan aki ta personanan di mala fe.
Por ehempel e caso di Hit And Run di Sra Ana Quandus, cu a fayece den oranan di dialuna mainta. Te ainda esun cu a dal no a presenta.
Con un persona asina por sigui funciona den nos comunidad, papiando y hari manera nada un pasa.
E chauffeur di e Prius aki tawata tin suerte cu ela sali ileso y por a conta kiko a pasa.