Home » Aruba a conoce su di dos victima di accidente di trafico pa 2019, e victima di Hit and Run na Tanki Flip a fayece

Aruba a conoce su di dos victima di accidente di trafico pa 2019, e victima di Hit and Run na Tanki Flip a fayece

by Admin
0 comment 78 views

Tanki Flip: Dialuna algo pasa di 10’or y 15 di mainta, ta drenta e tristo noticia cu Señora Ana Quandus Gavidia di 82 aña, naci 11-8-1936 a fayece , esaki debi na e golpinan fuerte cu ela ricibi na momento cu e tabata crusando caminda y a wordo alcansa pa un auto, un Nissan Tiida, cu a hit and run y a lag’e gravemente herida atras. 

Señora Ana a hiba un lucha fuerte durante e ultimo 14 dianan, pero e golpinan cu ela ricibi tabata demasiado fuerte pa su curpa.

Esaki a sosode dia 3 di maart ultimo, despues di parada grandi di Carnaval. Ana a caba di cushina su sopi y a bay crusa caminda pa bay busca poco yerba di hole na e bisiña.

E chauffeur di e Nissan Tiida, sin curason a dal Ana y a sigui core, te awe dia 18 di maart, e persona aki sin curason no a sali bisa cu ela dal’e y ni sikiera pa splica, kiko por a pasa cu ela dal e señora grandi aki y a bay lague. Ni e chauffeur di e tres otro autonan cu tabata tras di e auto aki no ni para, nan a djes pasa na banda y a bay.

Mas tristo ta awo cu famia, amigonan y bisiñanan tin cu bay dera nan ser keri y esun cu a hacie ta cana, papia, hari y su bida ta sigui manera un hende sin consenshi, sin curason, sin sanger den su benanan.

Mientrastanto autoridad ta siguiendo cu nan investigacion pa haya sa ken tabata tras di stuur di e Nissan Tiida, e dia 3 di maart 2019 y cu a dal e señora.

Eyfo tin un of mas hende cu sa ken a dal e señora aki cu auto, sali bay bisa autoridad, no keda cune riba bo consenshi. Bo tambe ta sali di un mama, bo tambe por tin yiu. Sali bay bisa autoridad, djes un yamada riba tiplijn 11141 of yama centraal 100, of warda di Balashi 5852500 puntra pa agentenan Sophia, Meye of Croes y bisanan ken ta e chauffeur di e Nissan Tiida cu a dal Ana fatalmente.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio