Eagle – Diadomingo mainta Strand Politie a bay unda nan ta baha boto, yama Baranca Plat. Eynan lo tawata tin un auto casi full den lama hinca.
Polisnan a baha pa mira kiko por a pasa y tambe elo tawata stroba otronan pa bahanan boto.
Loke a sosode tawata cu un persona a bay test un Waverunner na benta, lagando e auto mal staciona.
Mientras cu polisnan tawata eynan, nan a cuminsa haya holor fuerte di marihuana saliendo di e auto.
Agentenan a keda warda te ora e persona a regresa tera pa nan atende cune. Den un rugtas cu tawata den e vehiculo nan a bin haya Marihuana.
Pero, e cantidad haya no ta pa uso personal. Polis a papia di hopi marihuana, cu tawata duidelijk pa bende.
Eynan mes e homber a wordo deteni, y e rugtas confisca.
Ela wordo hiba warda di Strand Politie, pendiente investigacion.
No ta un secreto cu benta di droga ta hopi halto den areanan di High Rise Hotels. E homber aki pa haya placa extra ta bende su marihuana na esnan cu ta interesa. Pero tin biaha esaki ta causa hopi molester na otro turistanan tambe cu no ta usado di droga.