ORANJESTAD, Aruba – Aruba Bank ta comprometi pa ta un organisacion responsabel y na contribui positivamente na comunidad di Aruba. Desde 2018 a introduci posibilidad pa empleadonan haci uso di orario di trabou pa metanan caritativo den comunidad. Esaki pa promove trabou di boluntario internamente.
Varios grupo di empleado di Aruba Bank a hasi bon uzo di e oportunidad y a pone man na obra pa yuda projectonan di Aruba Doet.
Boluntarionan di Aruba Bank a brinda sosten na Colegio EPI Salubridad y Servicio. Aki e boluntarionan a traha banki. E proyecto a encera cortamento di palo, arma bankinan y na final a vernis e bankinan pa asina e alumnonan por haya un luga pa sinta.
Na Centro di Bario Savaneta boluntarionan tawata activo ariba Diasabra y a juda pa pega un plafond nobo, a cambia luznan y switch di coriente. Tambe a verf e bañonan, portanan y muraya.
Aruba Bank ta comprometi na cumpli cu su “CSR” y di por aporta cu trabounan comunitario na diferente manera durante di aña. Danki na tur e empleadonan cu di forma boluntario a uni pa yuda den e proyecto di Aruba Doet, dunando bek na comunidad