Papaya – Manera publica algun momento pasa, diasabra atardi polis a bay un adres na Papaya pa un problema serio di pareha, unda cu un a keda herida cu cuchiu.
E adres aki ta uno no desconoci pa autoridad pa locual ta violencia domestico. Riba varios ocasion polis mester a entermedia pa motibo cu e cabayero ta agredi su pareha. Awe e dama a yega na corta e homber durante un incidente di violencia domestico.
Despues di a detene e dama, a transporta e cabayero pa hospital pa e ricibi tratamento pa e corta cu e a ricibi. Un update cu nos a ricibi ta cu e cabayero despues di haya tratamento medico, e tambe ta keda deteni y ta wordo translada pa warda di Shaba.
Pues ta confirma cu e tambe lo a comete acto di violencia o agresion contra su pareha. E dama a haya algun sla patras di su cabes y e a cabayero a ricibi corta na su man. E dama lo a corta e homber cu un cuchiu basta grandi, un ‘butcher knife’.
Ambos a keda deteni y ta transporta pa warda di Shaba.