Savaneta – Diasabra atardi pa anochi por a mira Motor Unit haciendo loke nan por bon, controla vehiculonan cu chauffeurnan bebi.
Manera nos a bisa caba ta algo di aplaudi, mirando cu ta haci nan best pa kita e hendenan aki for di caminda, y asina bo ta evita accidentenan serio den trafico.
Diadomingo despues di e ultimo Parada esaki lo no ta diferente, pues lo controla pa chauffeurnan cu ta bebe y despues subi tras di stuur.
Tene cuenta cu e boet ricibi no ta nada nada barata y por yega asina leu cu te hasta bo por perde bo rijbewijs.
For di KPA nos a ricibi relato oficial di e control teni pa Motor Unit diasabra anochi.
Controlnan di Unidad Motorisa durante Parada di San Nicolas.
“Controlnan di Unidad Motorisa a sigui durante y despues di Parada di San Nicolas riba primeramente pa coremento bou di influencia di alcohol. Unidad Motorisa a para diferente camindanan di salida for di Parada di San Nicolas . Entre otro na e retonde di Pos Chiquito.
A para mas o menos 500 auto y pone e chofernan supla door di e alcosensor como e investigacion temporario.
Un total di 14 chofer a wordo deteni despues di e parada di di San Nicolas.
A detene 13 chofer cu a supla riba caya mas cu 500 ug/l. 2 di e chofernan no por a ni supla y un di nan no por a para bon riba su pia. Un chofer a wordo para door di controle riba plachi number y a hanja basta marihuana riba dje. Un chofer di scooter a wordo deteni, droga confisca y hiba warda pendiente di mas investigacion. En total Unidad Motorisa a confisca 2 scooter ariba ordo di ministerio publico y basta multa a wordo reparti. Awe durante e parada di Oranjestad Unidad Motorisa lo keda cu mesun intensidad y lo detene tur cu supla riba 220 ug/l”.