San Nicolas – Diahuebs anochi Aruba a celebra e part 2 por bisa di Lighting Parade, solamente pa por distigui nan di otro ta yama esun di San Nicolas Parada di Luz.
Un Parada gigante cu cada aña ta crece so ta keda crece.
Lastimamente cu algun hende no por a comporta nan mes, y mester a haya nan envolvi cu autoridad. Asina aki varios detencion a cay, mas cu aña pasa.
Na 2018 polis a detene 6 hende, ayera ela subi pa 16.
Manera semper e detencionnan ta pa motibo di buracheria, no sigui ordo di polis, bringamento.
Di parti Cuerpo Policial nos a ricibibe siguiente informacion:
RESULTADO PARADA DI LUZ SAN NICOLAS
“Diahuebs anochi pa 8:01 SMAC conhuntamente cu Cuerpo Policial a haci inicio na e parada di luz na San Nicolas. Tabata tin 9 grupo y mas o menos 3335 participante.
Nos a conta cu 215 personal riba pia.
Diferente departamento di Cuerpo Policial a traha hunto entre otro Polis Uniforma, ME, Motor Unit, K-9 , Mobiel Commando, Departamento di Recherche, Personal administrativo y nos Commando Kamer. Tambe personal di CEA.
Pa 00:41 e cabez a jega Joe Laveist y 2:10 e parada a jega su final.
E aña aki nos a conta cu 16 detencion. Aña 2018 tabata tin 6 detencion”.
Ainda tin 2 evento grandi nos dilanti, pues ban mira con nan lo bay end up.