Parlamentario Jennifer Arends-Reyes(AVP) Despues di cumpli y presenta un plan concreto Gobierno di AVP a logra concretisa na 2017 pa Desaroyo Europeo por aloca 13 miyon Euro pa Universidad di Aruba

Oranjestad: segun sra Arends-Reyes e por a tuma nota di un comunicado caminda cu partido Mep ta elogia cu nan Minister di Finansas lo ta viahando pa Tahiti na Polynesia Frances pa busca 13 miyon pa Aruba den un reunion na Tahiti organisa pa OCTA cu ta Association of the overseas countries and Territories of the European union. Ta bon pa aclarea cu na juni 2017 caba a firma un acuerdo di cooperacion pa 5 aña caminda cu Universidad di Aruba lo ricibi 13 miyon Euro pa set up e Green Faculty na Universidad di Aruba. Locual Minister Maduro como segundo suplente di Minister president a bai atende basicamente ta participa na decisionan hasi caba den pasado. Pa yega na fondonan di desaroyo Europeo no ta facil y ta tarda diferente aña pa por yega na un proyecto concreto y esaki a pasa cu Aruba te cu na 2017 a concretisa. Universidad di Aruba huntu cu Universidad di KU- Leuven a bai di acuerdo pa bira partners pa asina realisa e Green Faculty cu lo ofrece e programa academico pa research y duna les den Sciencia, Tecnologia, Ingenieria y Matematica e asina yama STEM bachelor program cu bista ariba ampliacion. Locual ta importante ta pa e keda mantene e bon lasonan cu Union Europeo y pa logra e metanan cu a propone cu e programa aki. Banda di e STEM program lo ta importante pa sigui enfoca ariba Arte tambe cu no mester pone un banda, ta ser comproba cu STEM, innovacion y arte ta complementa otro y ta bai man den man cu otro. Ta lamenta cu diferente cooperacionan internacional manera cu tawatin cu Rietveld Academy a stop. Lasonan internacional y cooperacionan na beneficio di nos studiantenan ta di sumo importancia. E Erasmus plus program cu ta keda riba agenda cu ta un exchange program pa nos studiantenan di Aruba tambe ta oportunidadnan unico cu ta cu ayudo di desaroyo Europeo ta hasi’e posibel y cu asina e programa aki tin mas oportunidad pa explora. Ta net un bon momento tambe pa motiva nos na Aruba pa inscribi pa vota pa un representante den Parlamento Europeo cu lo por trece ideanan na beneficio di Aruba sra Arends-Reyes ta termina bisando.