Tur documento compromotedor di corupcion grandi di Benny Sevinger di AVP ta den man di Ministerio Publico
Parlamentario Endy Croes ta amplia riba lo siguiente. Despues cu caso di corupcion y soborno di mas grandi te awor den historia di ex minister di AVP mester sigui cu lo siguiente. Benny Sevinger, un otro ex minister di AVP tambe ta wordo acusa di a corumpi masha hopi cu otorgamento di opties riba terenonan comercial unda den un grupo “clan” di amigonan manera Leoncita Arends y un primo di Benny mes y algun hende mas tabata bende esakinan pa sumanan MIYONARIO. Tin email di stroman pa otro con ta ofrece otro placa a cambio di tereno. Valsheid in geschrifte tambe a wordo cometi na cantidad.
Den e simannan nos dilanti lo bay amplia bek riba e corupcionnan aki y lo splica pueblo na placa chikito con esakinan a tuma lugar. Tin prueba di opties riba tereno riba nomber di NV’s a wordo bendi door di bende e sharenan cu permiso di e minister concerni e tempo aya pa por ehempel 3.5 MIYON US Dollars pa un proyecto na Eagle. Asina tin masha hopi ehempel mas. Cartanan di peticion di mas di 5000 m2 na tereno a wordo antidata y Benny a otorga esaki mientras e NV no tabata ni existi.
Pues AVP ta sinonimo na CORUPCION y awor cu caso di Paul Croes ta tras di lomba ta spera cu e caso grandi di CORUPCION aki por haya e atencion debido. No por ta asina cu un ex minister di AVP a colabora y facilita bendemento di opties na gran escala unda un grupo di amigo a bira masha rico y nada lo no pasa. Nos ta keda pendiente y lo sigui haci pregunta tur dia alrespecto pasobra e caso grandi di “Tereno Gate” mester mira luz di dia pronto.