Seroe Blanco, Oranjestad- Diasabra merdia un grupo selecta di prensa hunto cu e Prins cu Pancho Hubenil, Infantil, Reina Infantil y Hubenil di Carnaval 65, tabata presente na Mc Donalds, Seroe Blanco ariba un invitacion special pa bin purba un Hamburger nobo riba nan menu.
E marketing manager di e compania cu ta encarga cu advertisement y marketing pa Mc Donalds, acompaña pa e marketing manager di Mc Donalds Caribbean a yama tur esnan presente Bon Bini y a invitanan pa purba e Hamburger cu Mc Donalds recientemente a introduci na e comunidad di Aruba. Un Hamburger cu un sabor unico, e sandwich aki ta contene Mushroom, onion strings y Swiss Cheese cu ta duna e hamburger aki un toke diferente for di tur e otro hamburgernan.
Despues cu tur hende a disfruta di nan lunch, e manager di Mc Donalds a habri e porta di cushina y a hiba tur esnan presente bay conoce e cushina di Mc Donalds mas di cerca. Un cushina hopi limpi cu ta pone hopi enfasis riba hygiena y proceduranan di Food Safety.
E prome experiencia y exigencia di e compania tabata, pa bisti cap, no ta permiti pa cabey ta visibel den e cushina, di dos ta laba man cu habon y despues santize bo mannan constantemente.
Despues a cuminsa cu e tour den e cushina, prome caminda cu a e invitadonan, tabata den e walking Cooler caminda juicenan, pakinan di webo, berduranan fresco corta, hariña etc. etc. ta wordo warda riba un temperatura special. Despues a pasa pa e Walking Freezer caminda tur carni ta wordo warda tambe riba un temperatura special.
Tur hamburger di Mc Donalds ta wordo traha di 100% di carni di baca y ta wordo controla pa USDA, no tin niun otro producto añadi den e hamburgernan. E unico spice nan cu ta wordo usa ta Salo cu Pepper.
Durante e tour por a mira tambe unda ta hasa batata, Nuggets y con e sandwichnan ta wordo prepara. Tur berdura ta fresco y ta wordo warda den e walking cooler special.
Pa cada actividad, e empleadonan mester usa un handschoen special y cada biaha mester cambi’e esaki tin di haber cu Food Safety, pa carni ta un tipo di handschoen, pa berdura ta un otro, pa traha e sandwich ta un otro. Caheranan no ta usa handschoen paso nan no ta wordo permiti pa mishi directamente cu e cuminda.
Na final tur e muchanan presente por a haya un dushi ice cream y un regalito pa nan hiba cas.
Despues di a bishita e cushina di Mc Donalds y a mira full e preparacion nos di Arubanative.com por bisa cu Mc Donalds ta concentra hopi riba hygiena, riba Food Safety, calidad di producto y tambe ta corda riba e cartera di tur famia local, cu diariamente y constantemente nan ofertanan special.