ORANJESTAD – Dialuna ultimo Minister di Finansa, Asuntonan Economico y Cultura a haci un bishita di trabao na Oficina Central di Estadistica di nos Pais (CBS). Un departamento di Gobierno importante na unda datonan ta wordo compila, analisa y presenta pa asina desicionnan por wordo tuma a base di evidencia. Oficina Central di Estadistica ta percura por ehempel pa Gobierno y sector priva por haya cifra di turismo, di gasto di consumo y ta traha riba e cuentanan nacional di nos Pais brindando informacion hopi detaya. Importante pa menciona ta cu CBS ya ta den pleno preparacion pa e Censo 2020 den cual lo bishita Pueblo y colecta informacion necesario pa por brinda un bon bista di informacion estadistico di nos Pais. E mandatario a pasa bishita cada seccion y asina a saluda y gradici e trahadornan pa nan trabao y na final e mandatario a haya un presentacion di e director hunto cu e hefenan di diferente seccion di Oficina di Estadistica di Aruba.