Motociclista a bula di brommer pa no resulta herida na Cura Cabay

Cura Cabay – Diadomingo anochi na Cura Cabay tawata tin un otro accidente di brommer cu auto.

E biaha aki segun nos a compronde un motociclista tawata para pa bay subi caminda y un auto lo a dale di patras. Esaki a causa cu ela wordo pusha manda ariba caminda grandi. Aparentemente e chauffeur di e auto cu a dale a bira malo na stuur.

Pa su mala suerte tawata tin trafico yegando cerca, segun nos a compronde e motociclista a reacciona lihe y bula di e brommer. Esaki a evita cu elo wordo herida den un accidente.

Henter weekend brommernan tawata den noticia, y tur tawata accidentenan di trafico.