86
Turibana – Diadomingo anochi pa mas o menos 9’or polis a bay Turibana, unda lo tin un caso di destruccion.
Na yegada polis a constata cu tawata trata di un caso di jaloersheid.
Loke a sosode tawata cu un muhe a haya sa cu su homber ta na dicho adres, y cu e homber tin “algo” cu e muhe di e cas ey.
Esaki a pone cu e muhe di e Don Juan a rabia, y den su rabia a destrui glas di e cas.
Despues di e incidente aki, e homber lo a hiba e muhe cas asina evitando mas problema.
Doño di e cas, segun nos e otro partido lo bay recherche y entrega keho di destruccion na su propiedad.
Dus awor e muhe su jaloersheid a hinke den gasto.