90
Savaneta – Diabierna anochi den careda di 8’or pasa informacion a drenta di un accidente serio altura di Wintergarden na Savaneta.
Eynan un accidente hopi serio lo a sosode, entre un brommer cu un taxi.
Na prome instante a papia cu te hasta e motociclista lo no tawata duna señal di bida, danki Dios esey no tawata e caso.
Na yegada di ambulance e motociclista cu ta un agente policial, a dal cu velocidad di halto tras di un taxi Hyundai.
Segun informacion na e sitio, e taxista cu ta un dama lo a bay haci un U-turn, y e motociclista yegando cu velocidad halto ta dal tras di taxi.
Un impacto hopi duro, mirando e distancia unda e brommer y auto a bay para.
E motociclista te hasta a cana subi e ambulance, e taxista cu ta un dama tambe a wordo controla door di Paramediconan na e sitio.