Home Police Ladronnan bastante activo ariba container di casnan den construccion

Ladronnan bastante activo ariba container di casnan den construccion

Turibana – Dialuna mainta polis a ser pidi na Turibana unda tin construccion di cas tumando luga.

Dialuna mainta ora esnan encarga cu construccion di cas a yega, nan a haya e container unda tin material y ekipo warda habri. Esta cu ladronnan a kibra e candal y drenta horta.

Despues a resulta cu nan a kibra den tres otro container mas, y bay cu materialnan di construccion cu ta bal hopi placa. E containernan ta na cuatro diferente cas.

E ladronnan lo a haci nan trabounan durante weekend, y laat anochi.
Polis a tuma tur datos di loke a sosode.

Tur loke nan a bay cune e momento eynan tawata dificil pa bisa.