147
Bucutiweg – Diadomingo anochi laat den careda di 11:45 p.m polis ta bay ariba Bucutiweg pa un candela basta grandi.
Na yegada ta topa cu Amuse Sunset Restaurant completamente na candela.
Mesora a pidi pa Brandweer cu urgencia. Ariba caminda ya tawata tin tres unidad na caminda.
Durante cu polisnan tawata eynan por a scucha varios explosion.
Agentenan a bay un poco cerca y a ripara cu e luga ta cera, esta cu ela cera y tur hende a bay caba.
Na yegada di unidadnan di Brandweer mesora nan a bay den accion, mucho cos nan no por a haci mas. Mirando cu ora cu e melding a drenta ya e candela tawata kimando pa algun rato caba y tawata basta grandi.
Un boto mara na e pier nos a compronde cu tambe lo a kima, door di e candela grandi aki.