Palm Beach – Diaranson anochi polis a bay na e front desk di Brickellbay Beach Aruba, pa un turista agresivo.
Na yegada a resulta cu ta un muhe causando tur e problema den e lobby.
Segun informacion, e muhe aki y su amiga lo a check out for di Riu Hotel y a yega na Brickellbay pa busca camber.
Parse cu e muhe aki a cansa su amiga y e tampoco kier a keda cune, aunke e si a haya un camber na Brickellbay.
Tension a sigui subi y e muhe aki cu ta papia spaño a cuminsa insulta tur hende, te cu a yega e punto cu a yama polis pe.
Na yegada di polis ela sigui cu su insultonan, y nos a compronde cu ela bay asina leu di dal un di e agentenan un wanta basta duro.
No a keda nada otro cu pone ariba vloer y boei e, mientras ta pidi transportwagen.
Den boei e tawata keda puntra y haci yen cos di fastioso.
Momento cu e tawata wordo hinca den e transport por mira con e ta purba trapa pia di un di e polisnan.
Asina mes nan a logra hinka e y su maletanan den e transportwagen, unda elo pasa su anochi den cel hunto cu e sanguranan.