Minister di Turismo sr. Dangui Oduber hunto cu colega Minister di Infrastructura sr. Otmar Oduber a haci un bishita na e sitio net dilanti di Brickell Bay Hotel unda tin trabounan pa ebeyece e infrastructura ta tumando lugar.
E proyecto di embeyecemento ta tumando lugar entre di Brickell Bay Hotel y Hostaria da Vitorrio Restaurant. E proyecto ta proyecta pa caba na e luna di April cu un duracion total di 5 luna di trabou. Den e proyecto aki lo embeyece e area aki cu mata, crea areanan pa parkeo, un boardwalk di klinkers y instala iluminacionan.
Tambe e caminda lo haya un recap di asphalt pues e area aki lo bay ta mas structura y organisa. E trabounan aki lo wordo realisa den cooperacion cu Minister di Infrastructura y cu fondonan di A.T.A. y D.O.W.
Ora e gobierno aki a asumi su responsabilidad a pone como vision cu lo kier atrae turistanan di calidad. Y pa atrae e turistanan di calidad, turistanan cu tin un “spending capacity” hopi halto. Pa es motibo e producto Aruba tambe mester ta di calidad pa asina e turista por haya balor pa su placa.
Aruba ta conoci pa ta un destinacion di calidad y e turista nan ta paga hopi placa na pasashi y hotel. Pa e motibo aki producto Aruba mester cuadra tambe cu e prijs cu e turistanan ta paga. Gobierno ta bay sigi inverti den e embeyecemento di area hotelero y e zonanan mas bishita pa turistanan segun Minister Dangui Oduber.