Segun parlamentario Alan Howell, di tempo e tabata chikito el a forma parti di e acto protocolario di 18 maart, dia cu nos ta celebra nos Himno y Bandera, como un welp y Scout. Despues tambe pa hopi aña el a participa na e acto como polis y aña pasa Alan Howell tabatin e honor pa representa Parlamento como Vice Presidente di Parlamento na e dicho ceremonia. Desde hoben Alan Howell tin un deseo pa por a mira un dia e acto protocolario di 18 maart, dia di nos Himno y Bandera, tuma lugar na San Nicolas. Despues cu Alan a sinta scucha varios organisacion y persona cu sa participa na e ceremonia aki, pueblo di pariba di brug, muy en especial di San Nicolas y cu sosten total di lider di fraccion di POR, Marisol Lopez-Tromp, Alan lo haci un peticion publicamente den nomber di nos hendenan di pariba di brug, na minister di Cultura Sra Xiomara Maduro y gobierno pa lo siguiente; Pa honra e pueblo di San Nicolas pa tene e acto protocolario e aña aki di 18 di maart Nos Himno y Bandera pa prome biaha den historia na San. Nicolas. Asina aki nos hendenan di pariba di brug tambe por sinti nan mes mas aun parti di e ceremonia y acto protocolario en cuestion. Si esaki bira un realidad lo e ta sigur un honor grandi cu gobierno ta duna e pueblo di pariba di brug.Parlamentario Alan Howell lo amplia mas di su peticion durante siman.