Diahuebs 24 di januari, Minister dr. Armando Rudy Lampe a sinta cu representantenan di Fundacion Parke Arikok Aruba, na unda cu Minister a evalua y intercambia di ideanan tocante un “Botanical Garden”. Un Proyecto asina ta algo hopi comun na paisnan desaroya.
Un “Botanical Garden” ta un luga na unda tur e flora di un pais ta wordo presenta, studia y tambe preserva. E idea lo ta, pa e botanical garden por forma parti di e curiculum di cierto scolnan. Tambe a pensa ariba e posibilidad cu un luga asina por wordo considera como un atraccion turistico cu lo por significa un ingreso pa pais Aruba.
Minister Lampe un tempo atras ya a forma un grupo di trabow pa traha riba e idea di e Botanical Garden y awe e grupo aki a topa cu representantenan di FPA na unda cu tur esnan involvi tawata di acuerdo cu sigur e lo ta un idea interesante pa incorpora un botanical Garden riba e tereno di Parke Arikok. Ya caba tin un hofi existente na Parke Arikok y lo ta cuestion di amplia y structura e flora cu ya tin existente den e hofi.
Na final di e encuentro, Minister Lampe a agradeci tur esnan presente y a keda hopi satisfecho cu e prome encuentro entre e grupo di trabow y Fundacion Parke Arikok.