Plataforma Hobennan Profesional a organisa nan prome lectura pa aña 2019 “Leadership & New Generation of Politicians” cu a tuma luga diaranson anochi den Cas di Cultura. Den un sala completamente yen a hiba palabra e dos invitadonan pa e anochi aki. Jessica Burgos ta conta di ta hopi satisfecho cu e resultado y gradici na tur esunnan cu a asisti na e lectura aki. Proposicion a bin dilanti despues di a forma parti di e Cumbre 2018 organisa pa Partido AVP , caminda a pone den mente vision dilanti y concretisa proyectonan pa 2019. “Building knowledge2019” ta e Proyecto mas nobo di Plataforma Hobennan Profesional durante henter e aña aki.
Burgos ta comenta cu esaki ta prome di varios proyecto na caminda, por spera hopi mas pero primordialmente lo percura pa e lecturanan aki ta gratis pa henter e Pueblo. Algun di e lecturanan cu por spera lo ta riba Cryptocurrency, entrepreneurship, domestic violence, social media, ley laboral y mas temanan importante.
Pa finalisa Jessica Burgus a felicita e oradoran invita pa un anochi sumamente inspirativo, na e participantenan cu a duna di conoce cu nan tabata masha satisfecho cu e presentacionnan y cu nan lo ta mas cu bonbini na e siguinte lecturanan na caminda.