Rotonde Drive In – Diahuebs merdia polis ta haya informacion di un accidente cu hende herida, na e rotonde di Drive In, tawata trata di accidente entre un Toyota y Harley Davidson.
Na yegada e agentenan policial a nota cu e Mobile Unit di Ambulance ya tawata na e sitio, dunando e motociclista herida prome auxilio.
Na e sitio e agentenan policia a bin haya sa cu danki Dios e motociclista tawata tin su Helm bisti y cu esaki a evita cu e lo por a haya slanan fuerte na cabes.
Loke a sosode ta falta di dunamento di preferencia. E problema ariba mayoria di e rotonde nobo nan aki ta cu algun automobilista sa bruha di vak y asina ta causa accidente.
Akinan pora mira claramente cu e Toyota tawata full ariba e rotonde y e impacto tawata na salida, na momento cu e brommer a bay subi e rotonde.
Na yegada di ambulance, e paramediconan a prepara e motociclista y a transporte pa hospital.