Home » Riu Palace Antillas a regala diferente regalo pa cacho y pushinan di SGT Peppers Friends

Riu Palace Antillas a regala diferente regalo pa cacho y pushinan di SGT Peppers Friends

by Admin
0 comment 59 views

 

 

ORANJESTAD, Aruba –  E temporada di Pasco ta uno pa refleha y gerencia di Riu Palace Antillas a uza e oportunidad aki no solamente pa haci esey, pero tambe pa haci entrega di regalonan na SGT Peppers Friends. E fundacion a kita hopi cacho y pushi for di careteranan di Aruba y pa por sigui haci esaki ta conta cu sosten.

 

E representantenan di SGT Peppers Friends tabata contento di a ricibi e contribucion di Riu Palace Antillas. Gerencia un biaha mas tabata feliz di por a contribui cu e fundacion. E momento aki tabata uno yena cu alegria pa tanto e hotel como e fundacion di por a ricibi e regalonan.

Tur hende por pasa na SGT Peppers Friends y adopta sea un cacho of un pushi. Boluntarionan ta percura cu e cacho- y pushinan ta vacuna, nan tin chip y opera. SGT Peppers Friends ta gradici Riu Palace Antillas p’e donacion di saconan di cuminda p’e cachonan y pushinan, pero tambe pa tur otro regalo ricibi. Pa mas informacion con pa adopta un cacho of pushi por bay riba www.sgtpeppersfriends.com.

 

RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio