Eagle – Diamars atardi durante patruya Strand Politie a nota un Mitsubishi Lancer sin plaachi number y auto tawata mustra manera cu su papelnan no ta na ordo.
Polis mesora a dune ordo pa para, pero esnan den e auto a opta pa ignora e patruya tras di nan.
Esaki tawata altura di Riu. E vehiculo a sigui bay zuid, y a bira na su man drechi pa bay direccion Eagle.
E Patruya a sigui nan tras y a bolbe duna nan ordo pa para pero envano.
Yegando crusada pa bay Bubali Plas e auto a bira pa bay direccion Superfood. Polis a logra stop eybanda. Den auto tawata tin dos homber y un muhe.
E hombernan a trata di baha y core, pero un agente a logra gara un di e hombernan y e muher. Mientras e otro agente mester a evita di haya sla for di Killate cu ta un homber bon conoci di polis.
Segun nos a compronde Killate tawata cera y no mucho tempo atras ela wordo laga den libertad.
Mientrastanto refuerso tawata yega di tur banda.
Nan a logra domina e situacion y tur tres a wordo poni den boei y a transportanan mesora warda di polis, no a warda ni riba Transportwagen di polis.
