Oranjestad: Diamars atardi e conoci di Husticia Gino Henriquez, un biaha mas ta keda deteni, e biaha aki como sospechoso di un atraco brutal. Despues di investigacionnan haci relaciona cu e atraco, Fiscal a duna ordo pa asina polis topa cu Gino nan detene.
Diamars den oranan di atardi na momento cu un patruya di Oranjestad tabata pasando den e cayana patras di Caya Betico Croes, nan ta bin topa cu Gino Henriquez, kende ta wordo busca como sospechoso di un atraco. E patruya a topa Gino labando auto riba e parkinglot patras di La Linda, mesora nan a acerk’e y a detene.
Despues cu e agentenan a deten’e nan a pidi pa transportwagen di polis bin busca Gino y transporte pa warda di Polis di Oranjestad.
Gino a keda deteni pendiente mas investigacion, Gino Henriquez ta un adicto ambulante cu algun tempo atras, varios biaha a yega di drenta den tiendenan den Caya Betico Croes y sali cu articulonan sin paga. Gino ta un adicto ambulante cu un tempo a yega di recupera pero aparentemente awo a bolbe cay bek den e vicio, Gino ta frecuentando e area di Playa parti pabou y Rancho.