179
Sero Blanco – Diaranson mainta trempan polis y ambulance a un bocht patras di Setar Sero Blanco, pa un accidente di trafico cu hende herida.
Un major na stuur di un auto Hyundai cu tawata hibando su yiunan skol a haye confronta cu trafico contrario. Den e bocht un auto Toyota a tuma e bocht mucho grandi, y ta dal contra e Hyundai.
Den Hyundai i10, niun persona a resulta herida. Paramediconan mester a atende cu e ocupante di e Toyota Yaris cu e resulta herida.
Despues di a prepara e dama di e Yaris, ambulance a sali direccion Hospital cu e dama.
Manera por mira ariba e fotonan, daño material na cada auto ta hopi.
