Home Police Trahador humilde, victima di atraco, atracadornan a bay cu full su salario

Trahador humilde, victima di atraco, atracadornan a bay cu full su salario

Bushiri: Diasabra den oranan di marduga, polis ta wordo manda pa un atraco arma na Bushiri.

Na yegada nan ta topa cu un homber kende ta declara cu despues di un dia di trabou, e tabata canando bay su cas y na altura di e Gayero na Bushiri, e ta wordo atraca pa dos homber arma, e dos hombernan a yega riba un scooter y nan  a exigi tur su pertenencianan for di dje, e homber no por a haci nada otro cu obedecenan y a dunanan tur su pertenencianan.

Den su pertenencianan lamentabelmente tabata tin su salario di luna. Un situacion hopi tristo, paso e homber a traha henter un luna honestamente, cu sodo di su frenta,  pa su salario anto pa den algun seconde ela perde full su salario, e mas tristo ta, den porta di e dianan di fiesta.

Segun e homber a splica cu e dos atracadoran, un tabata tin un sweater shinishi bisti cu Aruba skirbi na cora y carson preto, e otro atracador tabata full na preto, tur dos tabata cara tapa.