L.G.Smith Boulevard – Diasabra atardi a drenta informacion na polis di un caso di hit and run, esaki tawata poco mas pabou di Turbo Rotonde.
Un rato despues e mesun auto envolvi ta wordo mira ariba e parkeer plaats unda antes tawata Bushiri Hotel.
Tawata trata di un V-car, y den dje e chauffeur tawata drumi. E auto tawata completamente gelock.
Tin persona a pensa cu e homber lo no tawata duna señal di bida, pero esaki no tawata e caso.
Alto comisario cu tawata den cercania tambe a dirigi su mes na unda e auto tawata.
Momento cu polisnan a bay purba lante esaki no a bay facil. Ora a logra lante agentenan a lage supla, pero esaki a sali negativo esta 0. E momento ey e situacion a cambia, esta cu e cabayero aki a bira malo tras di stuur.
Polisnan a pidi pa un ambulance, y na yegada di Paramediconan nan a transporte pa hospital. No ta mucho cla ki enfermedad e turista aki tin. Ta sospecha cu elo por ta diabetico.
Buscando mas informacion di dje den e auto, polisnan a bin topa cu cosnan di balor tanto den e auto y bahul.
A haya sa cu e ta hospedando na Ritz Carlton. Autoridad a pone Ritz Carlton na altura, y mesora nan a manda algun hende pa take care di e pertencianan di balor di nan guest.
Compania di e v-car tambe a wordo poni na altura y e auto cu a sufri daño a wordo atendi door di Forensys.