Mandolinstraat – Diasabra atardi un biaha mas varios unidad policial a bay Tarabana, pa mas exacto Mandolinstraat.
E caya aki polisnan tin masha hopi keho mes di habitantenan cu mester soporta diariamente brommernan y quadracers.
Algun tempo pasa nos a publica ariba peticion di e habitantenan, con e caya ta marca pa tirenan di brommer, scooter, y quadracer.
E hobennan ta usando Mandolinstraat manera Palo Marga y esaki no por.
Straño ta cu varios biaha ora polis yega ya no tin nada mas, mescos cu nan ta wordo avisa.
Diasabra atardi polis a yega di sorpresa y a kita un Scooter y tamve bicicleta. Esnan presente lo no a gusta e hecho mucho.
Polis lo sigui cu e control den e caya aki pa trece trankilidad bek.
Fuera di causa molester esta e zonido duro di motor, esnan ariba e machinenan no ta mira e peliger cu nan ta trece pa nan mes y hende inocente.