Home Police Homber cu paña di koki bisti tawata purba horta un prikichi

Homber cu paña di koki bisti tawata purba horta un prikichi

SHARE

Caya Frere Alexis – Diadomingo mainta pa mas o menos 9’or polis a bay un adres den e Caya Frere Alexis, unda un habitante a haya un homber desconoci den su cura di cas.

E homber fuera di tawata ariba su propiedad e tawata bezig tratando di horta un prikichi, esaki tawata den un haula.
Habitante di e cas a hala atencion di e homber cu tawata bisti den paña di koki varios biaha, pero e homber aki no tawata reacciona .

No a keda e habitante nada otro pa yama polis. Na yegada ta topa cu e homber bisti cu su paña di traha den cushina. Ta trata di un persona procedente di Spaña, y elo tin basta problema aki na Aruba.
Polis a constata cu e tawata bou influencia di algo, cu ta pone haci cosnan raro.

Famia di e homber aki aparentemente ta buscando manera pa e por yega Spaña bek. Transportwagen a ser pidi y a hibe warda di Santa Cruz.