Parlamentario Endy Croes a reacciona riba Marlon Sneek bisando ‘blaffende honden bijten niet!’ Por a scucha Marlon Sneek kier trata na splica di cifra cual en realidad ta su punto debil. Nos tur por corda con algun luna atras Marlon Sneek a sinta zwaai cu un documento di Serlimar gritando furioso den prensa alrespecto un contracto di 6 luna na Afl.39.000,- y a expresa cu firmesa cu 6 x 39.000 ta suma Afl. 2.4.000.000,-, esta 2.4 Miyon florin. Esaki sinembargo ta leu di ta berdad y aki por a constata cu Marlon Sneek un biaha mas ta comete un blunder formal. Mesun dia despues di a comete e blunder aki el a bay sinta na Canal 90 y aki kier a pretende cu ta un “haas” el a tira pa wak ken ta come. Esaki ta ilustra con “BOBO” un persona por ta. Sinembargo no ta promer bes cu Marlon Sneek ta comete blunder cu cifra como cu esaki ta su punto debil. En general Marlon Sneek no tabata haal ni 5 pa rekenen tempo e ta bay school y esaki ta splica tambe su erornan constantemente den prensa. Esaki ta lanta tambe hopi preocupacion pa yiunan di mama y tata cu por a haña les for di Marlon tempo e tabata meneer di school. Awe por tuma nota cu Marlon Sneek kier sigui cu e “Manipulacion” a la Mike Eman. Nos tur sa cu Mike Eman ta su mentor y Mike Eman a manipula henter Aruba redoblando asina e debe di e Pais aki. No ta pornada Mike Eman ta wordo compara cu e Profeta Hananias di Babilonia esta un Profeta cu a engaña henter un pueblo. Mike Eman tabata capaz pa convence un hende cu ta hogando pa bebe un glas di awa. Marlon Sneek awe gritando riba Presupuesto 2019 a cuminsa manipula y kier busca muraya limpi pa frega su curpa riba dje awor. Rapportnan di Banco Central a papia cla cu AVP e ultimo 8 añanan a redobla e debe nacional y a surpasa 4 BIYON na debe. Tanto CAFT y Raad van Advies ta reconfirma cu interes cu Aruba ta paga awe na 2018 tambe a mas cu redobla y a alcansa 219 MIYON den aña 2018 y lo alcansa 230 MIYON den 2019 promer cu esaki cuminsa baha den e vision nobo di Coalicion. Pues na interes so na placa cu AVP Mike y Marlon a presta Aruba ta pagando mas di 600 mil florin pa cada dia. Tristo no? Den e Protocol nobo Hulanda a pone cu siguiendo e herstelpad actual presenta e debe nacional lo baha di 90% pa 50% na aña 2039. Pues aki 21 aña! Cuanto di nos lo biba pa mira esaki? Esaki ta danki na e maneho a lo loco y sin gevoel di Mike Eman, Marlon Sneek y AVP. Marlon por splica pueblo di e grito di Mike Eman den Parlamento cu e ta orguyoso di e debe y e debe tey pa nos tur bay pag’e pa futuro? Marlon Sneek por splica pueblo e dicho di Mike Eman den Parlamento cu Aruba lo mester bay djis un tiki mas den rood pasobra no tin otro manera? Pa e motibonan desastroso aki pueblo a manda boso atras cu mas di 10 mil voto y merecidamente. Marlon Sneek, no bin papia mes di presupuesto 2018 y 2019 awe pero sinta keto den banki y laga esnan capaz pa haci e trabao. Sinti e cambio!