Piedra Plat: Diahuebs den careda di 1’or y mey di marduga, un patruya di Santa cruz ta wordo manda na altura di e Veld di Flatstone, na Piedra Plat pa un auto cu lo tabata persiguiendo un persona riba bais, kende un rato prome a horta na cas di e chauffeur di e auto.
Enberdad na altura di e veld di Flatstone nan ta bin topa cu e auto y un chauffeur kende tabata basta hostina. Ela splica polis cu un persona a drenta su cas horta y e ladron lo a bandona e sitio riba un bais. Ela sigui’e, e ladron a core drenta mondi y a desaparece.
E agentenan a buska den y rond di e mondi, pero sin resultado positivo, nan no a topa cu e ladron.
Na momento cu e polisnan a pidi e chauffeur un ID pa por tuma un keho, e chauffeur kende tabata bastante hostina a rabia asina hopi y segun polis lo a bira fresco cu nan, no kier a entrega keho y a bay for di e sitio.
Den mayoria di caso ora entrega keho, ta pornada, sin resultado. E victimanan di ladronicia hopi biaha no ta logra recobra nan pertenencianan mas.