Home Police Ladronnan activo den barionan, a toca turno na Piedra Plat

Ladronnan activo den barionan, a toca turno na Piedra Plat

Piedra plat: Diaranson den oranan di mainta, un patruya di Santa Cruz a bay atende cu un caso di kiebro y ladronicia na un cas den renobacion na Piedra Plat.

Na yegada nan ta topa cu un dama kende ta bisanan cu ela yega den careda di 9’or di mainta na e cas di su mayornna cu ta den renobacion y a nota cu algun separacion di palo a wordo movi y poni bek.

Ela bay controla y a bin ripara cu ladronnan a bay cu dos barkruk, un trapi, un botter di rum y varios refresco.

E agentenan na e sitio a tuma su declaracion y a manda pid pa polis tecnico y tambe a wordo pasa den man di recherche pa mas investigacion.

Ladronicia den cas tabata, ta y lo sigui pasa tur dia, ta pueblo mes mester trata na protega su pertenencianan door di inverti den alarma y camaranan di seguridad.