Home Police Ladron ta baha na awa carga cu paña den su man, for...

Ladron ta baha na awa carga cu paña den su man, for di Karibay Gifts & Souveniers

Oranjestad: Diahuebs algo prome cu 5’or di marduga durante patruya, polis ta wordo para door di un security guard, kende ta pone nan na altura cu un rato prome ela mira un homber bisti cu un short preto, un tshirt preto y un petchi preto, lo a kibra y a horta den Karibay Gift & Souveniers.
Segun su persona e homber aki lo a core bay direccion pabou, e homber tabata tin masha hopi paña den su man.  E homber ta bruin y tin un postura basta fors. 
E patruya a core busca den becindario, pero no a topa cu niun hende di e descripcion aki.
Pa mas o menos 5’or y 55 e patruya a bay na e sitio y a topa cu e gerente di e negoshi, e agentenan mesora a tuma su keho di ladronicia.  Segun e gerente e porta a wordo forsa y e ladron lo a bay cu algun paña. Ela keda di tuma inventario di e tur loke a wordo horta y lo hiba e saki pa polis.
E caso aki ta un caso mas di ladronicia cu a wordo entrega na recherche.