Fundacion Movemiento ta Bida & Transition 2 Health ta invita tur persona cu ta 50 plus pa bin traha riba nan salud riba un forma saludabel. E lesnan gratis lo ta diahuebs awor benidero (1 november) di 5.30 pm pa 6.30 pm den gymzaal di SPO na Santa Cruz y diasabra (3 november) den e gymzaal di EPB Hato di 11.00 am pa 12.00 am. Sera conoci cu e instructornan professional y experiencia cu move den un forma saludabel y tambe paso un tempo agradabel ta bai hopi bon cu otro.
Hopi persona 50 plus ta experiencia cu nan curpa, condicion y salud ta cuminsa bai atras. Kehonan fisico manera desgaste di rudia, preshon halto, malesa di suku (diabetis), problema cu lomba y problema di curason ta hopi conoci y ta wordo hopi experiencia. Mas y masa persona ta mas conciente cu hiba un estilo di bida saludabel por juda mehora e tipo di kehonan y problemanan di salud aki y hasta por cura algun di esakinan. Tin tambe mas y mas investigacionan scientifico cu ta comproba cu tin diferente aspectonan manera un mal nutricion of estilo di come, insuficiente movecion, stress na trabou como na cas etc. por ocasiona diferente tipo di malesanan.
Fundacion Movemiento ta BIda & Transition 2 Health kier duna e oportunidad pa participa na un programma di movecion extenso y bou di guia di profesionalnan (manera fysiotherapeut, ergotherapeut, dietista y tambe di actividad fisico y guia den estilo di bida saludabel) den combinacion cu presentacionan y workshops cu topiconan manera entre otro un nutricion saludabel y movecion cu ta mehora e salud y estilo di bida di e participante.
Bo ta 50+, bo kier hasi algo pa mehora bo salud y bo ta interesa pa experiencia di kiko e programa ta consisti por medio di un gratis workout? Nos ta invitabo!
Pa mas informacion por tuma contacto cu Nannelle Croes na 5931593 of cu Rudy Leysner na 5942546. Check out nos facebookpage: Fundacion Movemiento ta Bida y Transition 2 Health. Nos website: www.transition2health.com