Gobierno di Aruba a manda palabranan di condolencia na señora y demas famia di Wim Kok kende a fayece dia 20 di october ultimo.
Kok tawata un lider sinical di profesion pa 12 aña. For di un edad hoben Wim a desaroya un interes den politica cu a conduci pa e bira Minister President di Hulanda pa dos periodo, for di augustus 22 1994 pa juli 22 2002. Wim tawata miembro y lider di partido PvdA. Tambe Wim tawata Minister di Finansa for di 1989 pa 1994 pa Gabinete Lubber III como tambe vicepremier di Hulanda.
Kok a fayece dia 20 di october na edad di 80 aña den un hospital na su ciudad natal na Amsterdam a consecuencia di un enfermedad cardiatico. E acto di entiero a tuma luga den circulo priva dia 27 di october y despues a sigui un acto di conmemoracion na Concertgebouw na Amsterdam.