Home » Nickenson Paul den Mayor League Soccer (MLS) di Merca Defensa di SV Dakota a regresa Aruba for di “try out”

Nickenson Paul den Mayor League Soccer (MLS) di Merca Defensa di SV Dakota a regresa Aruba for di “try out”

by Admin
0 comment 78 views

 

 

ORANJESTAD, Aruba – 26 di October 2018: Futbolista di SV Dakota, Nickenson Paul a yega Aruba bek diahuebs anochi for di Barbados. Ey el a forma parti di un academia cu varios hungado for di henter Caribe cu Mayor League Soccer (MLS) di Merca a organisa. Arubaanse Voetbal Bond (AVB) y bondscoach Martin Koopmans a invita Nickenson Paul pa e participa den “MLS Combine” na Barbados. E academia tabata di 2 dia, entrenando mainta y anochi. E training tabata hopi bon p’e hungado, conoci pa su rol como defensa di SV Dakota.

 

Futbolistanan di diferente region di Caribe a participa na e “try out”. Pa Nickenson e try out tabata bon, pasobra e tabata riba nivel y a exigi e maximo esfuerso di cada futbolista participante. Lo haya resultado den algun siman, unda lo sa cua ta e hungadonan scogi cu a participa den e “Try Out” tanto na Barbados como na Jamaica. Nickenson Paul a haci un try out na Merca y como tal tin experencia caba. E biaha aki el a bay cu e meta di logra bira un futbolista profesional. E ta keda positivo cu resultado di e try out.

 

Pa Arubaanse Voetbal Bond, ta mas cu un placer pa por intermedia pa futbolistanan por yega na oportunidadnan asina di desaroyo. Den pasado a manda varios otro hungado pa e mesun Try out caba di Merca mientras cu a manda otronan pa Hulanda. Mester menciona cu Mayor League Soccer (MLS) di Merca a pidi pa Aruba nomina 2 futbolista y na final nan a scoge 1. Di tur e futbolistanan cu ta participa for di henter Caribe, na final lo scoge solamente 2 pa hunga den e ekiponan Mericano.

 

FIN

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio