Santa Cruz – Diahuebs atardi pa mas o menos 6’or, pasando altura di Santa Cruz Bar Restaurant por a mira agentenan policial papiando cu algun hobencito.
E hobencitonan tawata tin nan bicicleta hunto cunan.
Den e patruya por a mira cu tawata tin un hende sinta, y polisnan papiando cune.
Por a mira tambe na e sitio un polis di rango halto cu ta un hefe na Santa Cruz, e tawata na burger.
Algun rato despues agentenan a pidi pa transportwagen. Agentenan a baha e persona cu tawata den e patruya sinta. A resulta cu tawata un hobencito di 14 aña.
Ela subi cu su bicicleta den e transportwagen, y nan a bay direccion warda di polis. Su amigonan no tawata na e sitio e momento ey, kizas nan lo a warda bisa pa move di e sitio door di agentenan.
Loke a pasa
Segun e hobencitonan e agente na burger lo a pasa cu su auto y awa lo a spart aribanan.
Aki ta caminda cu e problema a start, paso nan lo a bay busca problema cu e agente policial.
Kiko exactamente a wordo bisa no ta conoci. E agente na su turno lo a pidi intervencion di patruya pa atende cu e hobennan.
Agentenan a splicanan ariba nan comportacion.
E hobencito a wordo hiba warda y na warda despues di algun rato e por a bay su cas.