Willemstad: E pastor Orlando B. mihor conoci como Apostel, kende a abusa di varios muher y mucha muher menor di edad, Diahuebs den Hoger Beroep a ricibi un castigo di prison di 14 aña y tambe e ta prohibi pa eherce e funcion di Pastor iglesia pa 19 aña.
Den su prome sentencia Apostel a wordo sentencia cu un castigo di 9 aña di prison y un prohibicion di 14 aña cu e no ta permiti pa ocupa e funcion di pastor di iglesia. Segun e hues, tin suficiente prueba cu Apostel di 54 aña di edad, a abusa di varios muher y mucha muhernan menor di edad, e abusonan sexual aki a sosode durante un periodo basta largo.
Fiscal a pidi 12 aña di castigo pa Orlando B. pero Hof a dicidi otro, hof ta haya cu un castigo mas halto ta na su lugar. Segun Apostel e tabata victima di un complot, cu otro iglesianan lo a pone hendenan duna declaracion falso contra su persona.
Via grabacionnan di un di su victimanan cual a wordo usa den corte, ela declara cu e caso specifico aki tabata un “eror religioso” cu ela comete.
Orlando B. a wordo acusa di a viola varios muhernan y di viola y a tene relacion cu menornan di edad, den e periodo di 2003 pa 2016, e casonan aki a sosode na Corsou y Hulanda. Segun Ministerio Publico tabata tin suficiente prueba pa por a condena Apostel a base di violacionnan cu ela comete den e periodo largo aki.
Dos aña pasa un muher a tuma e corahe di entrega keho contra Apostel y mesora despues a drenta como 19 keho mas. Aparentemente Orlando lo tabata abusa sexualmente di su victimanan, cu e pretexto cu si e tene relacion sexual cu nan of violanan ta pa saca diabel for di nan curpa, E tabata intimida su victimanan cu si nan papia, e lo lanta e demonio bek den nan curpa. Orlando tabata pastor di e iglesia Lluvias de Bendicion Korsou
Aparentemente Orlando ora e tabata viola e muhernan, e tabata hopi violento y ora e damanan bin bij nan tabata keda tur na sanger. Su victima mas hoben tabata di apenas 11 aña. Un di e victimanan di Orlando a sali como 5 biaha na estado. Orlando tabata paga pa haci abortus y tabata cumpra morning after pill pa su victimanan.
Awo sigur ta spera Orlando B. un castigo di 14 aña tras di tralie.