Home Police Atraco Team y Recherche di San Nicolas cu diferente detencion na Sabana...

Atraco Team y Recherche di San Nicolas cu diferente detencion na Sabana Basora

Sabana Basora – Diabierna marduga.
Vocero di polis a duna e siguiente relato relaciona cu entradanan hudicial cu a tuma luga, durante oranan di diabierna marduga:

“Awe madruga Atraco Team y Recherche San Nicolas a hasi un entrada hudisial na 2 cas na Sabana Basora en total 5 persona a wordo deteni, 4 hende homber y 1 muhe. Probablemente e detencionan aki tin di haber cu diferente atraconan cu a tuma luga durante ultimo simanan. Durante e entradanan hudisial a hasi uso di Arrestatie Team. Presente tawata tambe CEA, e Hues Comisario y e fiscal”.

Manera ta wordo bisa, probablemente e detencionnan aki lo por ta esnan cu tawata comete atraconan ultimo dianan.
Probablemente tur e esnan deteni ta Arubiano, segun e vocero di polis.