Den e siman cu a pasa Parlamento a oficialisa e diferente comisionnan fiho den Parlamento y alabes asigna oficialmente e reparticion di e Parlamentarionan na e diferente comisionnan di Parlatino.
Parlamentario Setty Christiaans-Yazagaray pa e aña Parlametario 2018-2019 a keda precidi e comision di Turismo y alabes a keda forma parti di comisionnan tratando asunto Social, Economia y Finansas y tambe Agricultura y algun otro.
Parlamentario Christiaans-Yazagaray alabes e aña aki a haci e peticion den un reunion di comision central pa lanta un comision extraordinario riba e tema di SDG. Diabierna ultimo e comision extraordinario “Ontwikkeling en Monitoring SDGs” (BCOMSDGs) a keda oficialmente insitui den Parlamento.
Den proximo articulonan Parlamentario Setty Christiaans-Yazagaray ta bay sigui amplia riba e motibo y importancia di e institucion di e comision aki den Parlamento y ki rol Parlamento lo por hunga den logra e metanan mundial stipula pa Nacionnan Uni, esta e 17 SDGs.
Parlamentario Christiaans-Yazagaray alabes ta remarca cu den diferente reunionnan di Parlatino tambe nan ta toca e tema di metanan di SDGs. E Parlamentario por ehempel ta forma parti di e comision di Agricultura, Cria y Pesca di Parlatino y practicamente ful e enfoke di e comision aki ta dirigi riba metanan di desaroyo sostenibel, en especial dirigi riba alimentacion y su disponibilidad na mundo.
E siman aki mes e Parlamentario lo ta atendiendo un reunion di Parlatino riba e tema di Agricultura, Cria y Pesca.