E ta un paso chikito cu un significacion grandi. E logro aki por elimina e barera.
Cu e logro aki Gobierno di Aruba kier contribui na kibra e silencio di abuso y negligencia.
Gobierno di Aruba awe cu orguyo ta anuncia cu tur yamada pa 5881010 number di Bureau Sostenemi, cu ta e meldpunt nacional awor ta completamente gratis. Esaki no ta tur pasobra yamadanan pa 528.1100 di Departamento di Asunto Social na Playa como tambe tur yamada pa 528.1130 di Departamento di Asunto Social na SN tambe ta completamente gratis.
Sea bo ta yama for di prepaid, postpaid, hybrid y telefon di cas, e yamada aki cu por salba un bida lo no costa abo nada.
Cu esaki nos kier elimina e barera, nos kier kibra e silencio di tur cu ta na peliger y cu mester di ayudo urgente.
Nos ta gradici e apoyo di Suzy Maduro di nos compania nacional di Telecomunicacion Setar kende a cana e caminda su mes pa hacie posibel, despues di a ricibi e peticion for di Gobierno di Aruba.
Riba portada Minister Chris Romero y Minister Glenbert Croes conhuntamente cu Minister President di Pais Aruba cu a duna su apoyo total na e bunita iniciativa aki.
Un pabien na Minister Glenbert Croes pa e proposicion. Un danki y pabien na Minister Chris Romero kendenan na nan turno ta aprecia y balora e apoyo di Prome Minister di Aruba.
Poco poco, paso pa paso, Gobierno di Aruba ta logrando cambionan chikito pero cu un efecto sumamente grandi pa bienestar y proteccion di nos hendenan, specialmente nos muchanan.